Då Steinkjerbygg vart etabert i 1941 var det den andre versjonen det dreia seg om. Byen låg i ruinar og både folk og verksemder var huslause. Versjonen 1.0 starta også i ein nedbrent by frå sumaren 1900. Steinkjer 3.0 har eit anna utgangspunkt, å utvikle ein moderne og attraktiv by litt motstraums mot sentraliseringstendensane i tida.

Verksemda er delt både i driftsselskap og fleire eigedomsselskap, også kommunens eigedomsaveling er no ein del av det heile.

Ein vesentleg del av det nye som har kome opp i byen i det siste høyrer inn under porteføgjen. Berre gjennom dei siste par månadane er det teke i bruk nye bygg for meir enn ein milliard kroner. Innovasjonscampen, Steinkjer skole og Helse og beredskapshuset høyrer til her.

Men det er fleire ting på kartet, det kartet han viste på skjermen. Det som akkurat no syner mest i bybiletet er O2-huset, men mykje stort og smått er med både sentralt og i utkantane. Det er også naturleg å inkludere tidlegare Verran. Kvalitet skal stå som det største varemerket for Steinkjerbygg. Det blir stilt strenge miljøkrav til det som blir bygd i dag. Massivtre har kome som eit viktig byggemateriale, det er berre synd at vi i trelandet Noreg ikkje har nokon som leverer elementa. Steinkjer skole er bygd av tredelar som er sette saman i Østerrike. 

Også når bygg frå Steinkjer 1.0 og 2.0 skal vera med vidare, skal renoveringa gjerast så bra som muleg. Det er ikkje lenge før den gamle skolebygningen, monumentalbygget etter bybrannen i 1900 skal pakkast ut att, finare enn nokon gong sidan det var nytt. Her er alt gjort grundig. Taksteinane er tekne ned, pussa og lagt på plass att og konstruksjonen i bygget er forsterka. Her vil det ikkje gjelde nokon 40 års levetid! Det blir stilt tilsvarande krav når ein no er i gang med Samfunnshuset.

Samarbeid med private aktørar er også viktig. Den gamle brannstasjonen blir eit eksempel på det, no utlagt til sals, men med strenge vernekrav. 

Rett rundt svingen får vi det nye kulturhuset og Dampsaga.

Steinkjer er ein by med vekst og ambisjonar og Steinkjerbygg er eit effektivt verkemiddel.