Nyhetsdetaljer | Egge Rotary

Referat fra møte i Egge Rotary 5. mars 2026

Svein Kåre Haugen: Kulturskolen i Steinkjer På Hilmarfestivalen 2025 sat vi som fjetra og hørde og såg på elevane frå Kulturskolen. Dei imponerte stort, ikkje minst var det ei lita jente med fiolin som imponerte meg skikkeleg.

«Fargespel» kunne også fortelja oss at her handlar det også om å integrere ungar som ikkje opphavleg er frå Steinkjer og som ofte også har anna andletsfarge enn urfolket i bygdebyen.

Om dette var flott, var det topp å oppleva elevane saman med KORG.

Tidlegare hadde vi også opplevd Kulturskolen i samspel med Trondheimssolistane. Vi gjekk fordi det var fagmusikarar frå storbyen her og kom heim og kjende på at det var elevane frå Steinkjer vi hugsa på.

Dette for å illustrere dei forventningane eg hadde før møtet med sjefen sjølv, kulturskolerektoren.

Møtet starta med at tre av elevane spelte for oss og viste nivået, men også kontakten mellom rektoren og elevane, ikkje minst når elevar og lærar spelte same instrument, trekkspel.

Kulturskole er lovpålagt. Alle skal ha tilbodet, men det er ikkje ein del av den obligatoriske undervisninga i skolen, men eit tilbod. Mange er med, men det er ikkje eit gratis tilbod og det er på fritida. Det kan difor vera ei utfordring å få med alle, særleg dei som har dårleg råd.

Den rammeplanen for Kulturskolen som er gjeldande no, vart vedteken i 2025. Den deler aktiviteten i breidde-, kjerne og fordjupningstilbod. Breiddetilbodet har tettast tilknyting til den vanlege skolen og gjeld 1 - 4 trinn. Kjerneprogrammet er det folk flest kjenner til i møtet med Kulturskolen og fordjupningsprogrammet går vidare og kan organiserast i helger og i kontakt med andre miljø som i Trondheim eller i samarbeid med dansekompani og regionale korps.

Hausten 2025 starta skolen opp med 445 elevar, 293 på musikk, 192 på dans, 49 på visuell kunst og 28 på sirkus. Det er 41 elevar i Malm/Follafoss og 187 på venteliste. Men det er berre 17% av elevane i grunnskolen som er med på Kulturskolen.

Med dei ressursane kommunen brukar på tiltaket, er deltakarprosenten ikkje imponerande. Prisen på 2.100 i semesteret og at det er frivillig å vera med, forklarar mykje av dette.

Kulturskolen har 19 tilsette i til saman 11 årsverk.

Blir det som i fjor, kan vi framover få oppleva Kulturskolen med sommarkonsertar, på Hilmarfestivalen og med arrangement i advent.

Rektor lova at klubben skulle få ein kopi av presentasjonen. Eg går ikkje vidare med alle detaljane vi fekk presentert.

Kolbein Dahle (referent)

13. september 2022

PERSPEKTIVER FOR STEINKJER V/ KOMMUNEDIREKTØR BJØRN KALMAR AASLAND

Aasland åpnet med at Steinkjer er en god kommune å bo og virke i, men vi har utfordringer.

7. april 2022

Ideen om demokratiet ved Tor Lånkan

Etter å ha jobbet i offentlig forvaltning hele livet er Tor interessert i demokratiet. Hvis vi tror at demokratiet er stabilt tar vi gjerne feil. Det taper terreng i hele verden, og det er færre demokratier nå enn ved tusenårsskiftet.

25. februar 2022

Fra blodbad til kongemakt, om Gustav Eriksons flukt fra Stockholm til Dalarna

Øystein Moholt, som er medlem i vår klubb, innviet oss i en historie om hvordan han som senere ble Gustav Vasa, greide å rømme fra blodbadet i Stockholm i 1520 til Dalarne.

17. februar 2022

Glimt inn i historia til Mære gjennom 1000 år v/ Bodil Østerås

Bodil Østerås er tilsatt som fagleder forvaltning ved Stiklestad Nasjonale Kultursenter.

7. februar 2022

STEINKJER BY – VIKTIGE ENDRINGER GJENNOM DE SISTE 40 ÅR – OG HVA SKJER VIDERE ved Egil Stensheim

Egil har drevet med areal- og byplanlegging i Steinkjer kommune i 37 år. Han startet i 1977 med planlegging av nye boligområder utenfor sentrum for å sikre tomtearealer. Sørsileiret var da tilrettelagt for utbygging, det ble mye varehandel og småindustri.