logo

Egge Rotaryklubb

Plasser innhold her

Min Side

NYHETER / NYHETSDETALJER

MED BLÅLYS - POLITI OG AMBULANSE

På to møter i vinter har vi hatt møte med blålysetatane. På møtet den 13. desember orienterte Snorre Haugdal om politireformen. Han gjorde greie for kva reformen gikk ut på og korleis prosessen har vore. Det var ei nødvendig reform, men det står att ein bit før det heile er på plass. Det kan sjå ut til at etterslepet var for stort og at det kvantespranget som måtte gjerast, var drygare enn nokon hadde sett for seg.

Han la vekt på at både kriminalbiletet og arbeidsmetodane har endra seg. Det er ikkje lenger så vanleg med den klassiske tjuven med maske og brekkjarn. No foregår mykje av den alvorlege kriminaliteten elektronisk. Det må det utviklast ny kompetanse og nye arbeidsmåtar. 

Det har vorte teknisk muleg å ha med seg kontoret inkludert eit nasjonalt arkiv i bilen, dermed er det kanskje ikkje det same behovet for ein lensmann på eit kontor på dagtid. 

Mykje av dette har kome på plass. Likevel er det skepsis hos publikum og opposisjonspolitikarar. No i det siste har det også vorte klart at politifolka ikkje finn seg til rette med reformen. Det var kanskje noko i dette Hegdal konkluderte med: Akkurat no kan det sjå ut til at ein har bygd for svær grunnmur i forhold til det huset som skal stå oppå og synast.

Men statsråden kunne seinast i dag slå fast at det har ikkje stått på løyvingane. Politiet har både fått midlar og menneske. Kvifor har det likevel ikkje gått bra?

Den 11. april var Sturla Hammer i klubben for å orientere om ambulansetenesta før og no og utfordringane framover.
Så seint som på 1960-talet vart pasientane frakta i ein drosjebil som var tilpassa slik at ei primitiv sjukebåre kunne dyttast inn gjennom bagasjerommet. Det fanst lenge berre ein bil i fylket som var bygd som ambulanse, finansiert av Fosdalen Bergverk og stasjonert i Malm.


Sturla Hammer, avdelingsleder for ambulanseavdelingen i Helse Nord-Trøndelag HF

Eigentleg var det først fram mot 1980-talet det kom ei skikkeleg professjonell ambulanseteneste i gang i fylkeskommunens regi. Det starta med ein NOU i 1979 om utdanning av ambulansepersonell. Dette har vore ein viktig grunnmur i utviklinga av tenesta. Dette vart innarbeidd i skuleverket i 1994 og 2007. No er det to vegar som fører til målet, det einaste ankemålet er at utdanningane ikkje kan brukast til noko anna.

Fram til 1995 var sjukebilane fylkeskommunale. Det året la fylkeskommunen ambulansetenestene ut på anbud. Private aktørar overtok. Dette skulle vara ved til 2012, men frå 2001 overtok dei regionale helseforetaka for fylkeskommunen.
Våren 2012, før anbodstida var til ende, vart ambulansetenestene etablert som eige foretak. Dette vara ut 2014, etter det har ambulansen sortert under dei enkelte helseforetaka.

Dei prehospitale tenestene er dei seinare åra endra slik at dei ikkje er til å kjenne att. Det har vore ein teknisk revolusjon. Landet har fått eit naudnett som er heilt fabelaktig. Alle blålysetatane er påkopla heile tida, og det når også inn i Sverige slik at det tener trønderane i Åre. Det er full kontakt med dei andre etatane som er under utrykking og den som kjem først nølar ikkje med å sette i gang. Oftast er det brannvesenet, og dei har kompetanse på meir enn å sløkke ein brann.

Dei nye bilane er nesten som rullande sjukehus med tilgjengelege journalar, jamvel om det nasjonale journalsystemet ikkje er heilt ferdig. Planleggingsdataene er tilgjengelege både framme og bak i bilane. Det dukkar stadig opp avansert utstyr som gjer at pasienten kan koma så fort som muleg til rett teneste, ofte kan diagnosen stillast slik at sjukehuset er budd på det som kjem.
Det finst også koordinering mot helikopter og fly, jamvel om fly nesten ikkje blir brukt i Nord-Trøndelag.

Til slutt fekk vi innsyn inn i framtida. Eldrebølgja - som dei fleste av oss er ein del av - gjer at det kan synast umuleg å bygge opp ein kapasitet som kan rå med dei potensielle pasientane med dei mottak og arbeidsmetodar ein har i dag.
Her er det nye Inn-Trøndelag helse og beredskapshus eit eksempel på korleis ein førebur seg på å handtere dei utfordringane som kjem.

Tekst og foto: Kolbein Dahle

 
PROGRAMFRITT

11. november 2019

PROGRAMFRITT

Vi veit aldri hvordan et programfritt møte utvikler seg, men det åpner for temaer programkomiteen ikke har tenkt på.

Programfritt

1. november 2019

Programfritt

Klubben har som regel hatt et porgramfritt møte i måneden. Disse møtene har gjerne blitt brukt til å samle opp de korte kåseriene - 3 minutter - vi har som kvittering for gevinsten fra et tidligere møte.

Helse og beredskapshuset - BRANN OG REDNING

25. oktober 2019

Helse og beredskapshuset - BRANN OG REDNING

Håvard Bye er brannsjef i Brannvesenet Midt IKS, et interkommunalt selskap som er ansvarlig for brann- og redningsberedskapen i 8 kommuner i Midt-Norge.

REFLEKSJONAR ETTER EIT EGOFOREDRAG

25. oktober 2019

REFLEKSJONAR ETTER EIT EGOFOREDRAG

Det har ikkje vore vanleg å referere frå egoforedrag på desse sidene, dermed blir det ikkje noko refetar frå møtet den 17. oktober i vanleg forstand.

DUGNADEN

25. oktober 2019

DUGNADEN

Klubben vil gjera litt samfunnsnytte. Sjølvsagt går det pengar til «Polip Pluss» og andre gode tiltak, men det er noko anna med dugnadar, særleg når det kjennest i armar og rygg.

STEINKJER 3.0

14. oktober 2019

STEINKJER 3.0

«Vi bygger Steinkjer 3.0», sa den daglege leiaren i Steikjerbygg AS, Bjørn Aasland, då han starta presentasjonen av verksemda på møtet i rotaryklubben 10. oktober. Seinare kom det fram at dei også har store arbeid i gang med element både frå Steinkjer 1.0

Kommuneoverlege Sunniva Rognerud: Samhandlingsreformen & fastlegesituasjonen

11. oktober 2019

Kommuneoverlege Sunniva Rognerud: Samhandlingsreformen & fastlegesituasjonen

Kommuneoverlegen er odelsjente fra Østre Toten, men etter at hun kom til Verran i turnustjeneste har hun blitt i Trøndelag og har funnet seg godt til rette her. Fra tidlig i år er hun også kommuneoverlege i Verran.

Jorda rundt med Morten Tanem, del 2

8. oktober 2019

Jorda rundt med Morten Tanem, del 2

Reisa jorda rundt ble for lang for ett møte, derfor fikk han fortsette i kveld.

Vår helseteknologiske framtid

3. oktober 2019

Vår helseteknologiske framtid

Roald Bergstrøm fra Verdal holdt et svært inspiserende, kunnskapsbasert og tenkevekkende foredrag om de store teknologiske utfordringer som helsevesenet står ovenfor.

Tur i vester- og østerled

24. september 2019

Tur i vester- og østerled

En av klubbens medlemmer, Morten Tanem ga oss en grundig innføring i en nylig gjennomført 7 ukers reise jorda rundt.Ferden gikk vestover med i alt 15 stopp.


Møteinformasjon

Møtested: Egge museum
Adresse: Egge allé 70
Postnummer: 7725
Sted: Steinkjer
Land: NO
Møtedag: Torsdag
Møtetid: 19:00
Møtespråk: no


Klubbens møter denne måneden

Programfritt

 2024-09-26 19:00 - 20:00

Møtearkiv fra
før August 2022


roterende lenker

Nyheter fra
rotary INTERNATIONAL:

Loading RSS...

Nytt fra Rotary i Norge

Loading RSS...

NYTT FRA DISTRIKTET

Loading RSS...

Denne websiden bruker informasjonskapsler

Denne websiden bruker informasjonskaplser for å kunne tilby deg en bedre brukertilpasset opplevelse.

Les våre retningslinjer for personvern og informasjonskapsler.