Nyhetsdetaljer | Egge Rotary

Referat fra møte i Egge Rotary 23.04.2026

Otto Ulseth: Portrettintervjuar i T-A

Grannen vår var vara på Stortinget for Ap. Ikkje lenge etter at dette tok slutt, hadde ho med seg ein helgagjest som til forveksling likna på Tor Mikkel Wara. Eit portrettintervju forfatta av Otto Ulseth i T-A, forklara det utrulege vi hadde vore vithe til, eit kjærleg møte mellom Ap og Frp.

Eg hadde nok lagt merke til at T-A hadde mange interessante portrettintervju utan at eg hadde kjennskap til forfattaren, etter dette merka eg meg namnet.

På dette møtet i Egge RK kunne vi lage vårt eige portrett av journalisten Otto Ulseth. Som senior kom han til T-A for nokre år sidan. Han kom med bakgrunn frå fleire sentrale aviser både i Oslo og Trondheim og NRK. Han har også vore fotballtrenar og særleg kjent som sportsjournalist og han har skrive idrettsbiografiar.

I T-A fann han ei avis som framleis satsa på å vera ei kvalitetsavis, som var relevant og tok vare på samfunnsansvaret sitt. Møte med denne avisa var som «å koma heim», sa han. I redaksjonen fann han interesse for det tradisjonelle portrettintervjuet. Ein kategori han har vore engasjert i sidan han skreiv Hammarlund-portrett i Dagbladet den gongen det var ei kvalitetsavis.

Det har også dukka opp idrettsstoff som har signaturen Otto Ulseth, men portrettintervjua er spesialiteten og temaet her.

Krava til god journalistikk gjeld. Elementa er konflikt, aktualitet, sensasjon, relevans og vesentlegheit. Journalisten må vise sympati, respekt og engasjement. Dette må ein ha med seg gjennom heile tida frå ein vel ut intervjuobjektet til artikkelen er på trykk i avisa.

Portrettet er ikkje komplett utan bilete, anten det er teikningane til Gøsta Hammarlund eller fotogrfia til Johan Arnt Nesgård. Dei har sitt verktøy, det har også journalisten, og Otto held seg framleis til blyant og blokk.

Intervjuaren er avhengig av tillit mellom seg og objektet. Det er best om ein kan unngå sitatkontroll. Dei fleste aksepterer det. Det krevst skrivarglede, men med varsemd med ordflaumen.

Gjennom dei siste åra har vi, med eller mot vår vilje, sett avisenes overgang frå papir til skjerm. Reaksjonen frå publikum på det som står der, kjem ikkje lenger i posten, sjeldan i kommentarfeltet, litt oftare på sosiale media, men det nye og aktuelle er at avisa kan fylgje med på kor mange som les, kva dei les og kor lenge.

På den måten vil avisa kjenne populariteten til det som kjem på prent. Det gjeld sjøvsagtl også portrettintervjua. Resultatet er ikkje alltid som venta.

Det å få lage portrett av kongen, er svært eksklusivt. Under ski-VM lykkast det. Men portrettet kom ikkje på topp 5 lista. Det gjorde heller ikkje intervjua med Jens Stoltenberg eller dei lokale kjendisane Åge Aleksandersen, Jens Kvernmo og Petter Northug.

Men det var også i hovudsak lokale kjentfolk som kom på topplista. Ikkje overraskande råkar desse aller best på kriteria ovanfor, ikkje minst på relevans.

Dei fem var Endre Skjervø og Bjørn Kalmar Aasland. Ketil Lindseth, Roald Stene, May Britt Lagesen og Anders Bardal.

To av dei hadde bakgrunn i kommunesektoren. Han minte oss spesielt om eit sitat etter Endre Skjervø der han innsåg at det var mangt i Frosta kommune som ikkje var bra, men bygda hadde i det minste «verdens beste lege!»

Portrettintervuet fell fint inn I profilen til ei regionavis som T-A, men det er viktig at objektet ikkje berre er samfunnsengasjert, men også engasjerar intervjuaren. Det kan sjå ut til at Otto Ulseth har lett for å bli det.

Og for den som ikkje har fått med seg alle portretta, er dei enkle å finne digitalt i T-As arkiv.

Kolbein Dahle (referent)

11. november 2019

PROGRAMFRITT

Vi veit aldri hvordan et programfritt møte utvikler seg, men det åpner for temaer programkomiteen ikke har tenkt på.

1. november 2019

Programfritt

Klubben har som regel hatt et porgramfritt møte i måneden. Disse møtene har gjerne blitt brukt til å samle opp de korte kåseriene - 3 minutter - vi har som kvittering for gevinsten fra et tidligere møte.

25. oktober 2019

Helse og beredskapshuset - BRANN OG REDNING

Håvard Bye er brannsjef i Brannvesenet Midt IKS, et interkommunalt selskap som er ansvarlig for brann- og redningsberedskapen i 8 kommuner i Midt-Norge.

25. oktober 2019

REFLEKSJONAR ETTER EIT EGOFOREDRAG

Det har ikkje vore vanleg å referere frå egoforedrag på desse sidene, dermed blir det ikkje noko refetar frå møtet den 17. oktober i vanleg forstand.

25. oktober 2019

DUGNADEN

Klubben vil gjera litt samfunnsnytte. Sjølvsagt går det pengar til «Polip Pluss» og andre gode tiltak, men det er noko anna med dugnadar, særleg når det kjennest i armar og rygg.

14. oktober 2019

STEINKJER 3.0

«Vi bygger Steinkjer 3.0», sa den daglege leiaren i Steikjerbygg AS, Bjørn Aasland, då han starta presentasjonen av verksemda på møtet i rotaryklubben 10. oktober. Seinare kom det fram at dei også har store arbeid i gang med element både frå Steinkjer 1.0